Is sont pus beurrés qu’paillard, pour l’petit jamais in r’tard
Is n’cantent pas comme des p’tits saints, les Capenoules vous saluent bien

Eul’pépère , eul’mémère, is couch’totent toudis tout nus
All’mis pépère in colère, i’a mordu mémère à l’cul

À Lille toutes les vièles bigotes marchent toudis les yeux baissés
Ch’est pour vire dins vos culottes, si vot’zizi, i’est bien rintré

Eul’curé d’St Sauveurs, i’est mort, i pétra pus
Les ojieaux n’ont pas eu peur, faire sin nid dins l’tro sin cul

Eune famile eud’misérapes, n’airiant pus rin pou s’cauffer
Un soir, is ont quié su’l’tape, pou s’cauffer à la fumée

L’aut’jour, in passant place Verte, j’attinds un ojieau péter
Cha provot que chelle tchiote biête, all’avot pas l’tro d’cul bouché

Em’grand-mère est d’Armintières, elle aime bin les bonnes peimmes-tierre
Mais elle préfère les cornichons, qui poussent dedins les patalons

Eud’D’siré à l’opéra, s’est conduit comme un goujat
Avec’eul’pieau d’ses roupettes, i’a bouché l’trou d’s’clarinette

D’siré d’jà dins sin berceau, ch’étot un p’tit cul'd'salaud
I taquinot s’vièle nourrich’, ch’a’l’faijot rire jusqu'à s’qu’elle pich’

Désiré i’a eune quéquette, pas plus grosse qu’eune allumette
I s’in sert pour faire pipi. Vive D’siré et sin zizi !

Quand D’siré monte à ballon, i’a tell’mint l’système si long
Quand atteignant l’atmosphère, l’pieau d’ses coules, alle traîne par terre

Quand D’siré va in vélo, à ch’t’heure euj’vous dit l’plus bieau
Quind i pédale à perde haleine, i prind sin zizi dins’l’chaine

Ch’est comme eul’coq du villach’, i’a toudis la queue dins l’vint
N’a pas grindmint dins’l’voisinach’, qui pourottent en faire autant