In parle toudis
d’eul mineur, c’est vrai ils ont du mérite
Mais qui, qui li fait honneur, euj’va vous l’dire bin vite
Ch’est s’femme qui pindant trente ans, alle s’est n'a bin occupé
Quand l’velle i prennot eune cuite, l’lendemain i’étot farcé
Heureusemint qu’alle lé surveillot, qu’alle li préparot sin bout’lot
Eul’femme
alla a eu s’pinsion aujourd’hui, alle l’a bin méritée
Alle peut s’ardrécher car pindant tout s’vie, alle a bin travaillé
A ch’t’heure, j’y souhaite à elle comme à li, eud’bin en profiter
Je peux vous dire in avinche, qu’is vont bin s’arposer
Cha s’ra toudis diminche, pour ches deux pinsionnés
Chaque jour
ch’étot l’même ringaine, alle préparot sin caudron
Car li pindant tout’l’semaine, i s'arvalot à’s’maison
Eul’caf’tière alle étot su'ch’fû, l’apéro ch’étot
l’goutte eud’jus
Eul’seule joie, alle le savot, quind alle lavot sin dos
Et timps à timps eul’tchiote garnoulle, alle li faisot des catoulles
Eul’femme
alla a eu s’pinsion aujourd’hui, alle l’a bin méritée
Alle peut s’ardrécher car pindant tout s’vie, alle a bin travaillé
A ch’t’heure, j’y souhaite à elle comme à li, eud’bin en profiter
Je peux vous dire in avinche, qu’is vont bin s’arposer
Cha s’ra toudis diminche, pour ches deux pinsionnés
Dins s’maison
comme li par d'sous l'tierre, alla a avalé d’eul’poussière
Ch’est bête, mais il faut y busier., alle est p’t’être silicosée
A ch’t’heure, is sont bin contints, insimp’ is ont fait du qu’min
In peut dire tout’s’qu’in veut, ils veilliront heureux
Ch’est pour cha que j’rinds hommach’, à elle et sin grand courach’
Eul’femme
alla a eu s’pinsion aujourd’hui, alle l’a bin méritée
Alle peut s’ardrécher car pindant tout s’vie, alle a bin travaillé
A ch’t’heure, j’y souhaite à elle comme à li, eud’bin en profiter
Je peux vous dire in avinche, qu’is vont bin s’arposer
Cha s’ra toudis diminche, pour ches deux pinsionnés
Accueil Dictionnaire Chansons Livres Disques Photos Liens