L'bouton d'l'accordéon
(Robert - Henry Bordez)

Ch’est rigolo quand j’étos t’chiot, j’avos l’accordéon dins l’pieau,
Quand j’attindos l’musique juer
Tout’suite, j’m’inpognos min p’tit banc, j’berlottos eum’tchiête et in même temps ,
Jj’vous inveyos un p’tit couplet
Et d’mi min père, i’étot tout fier, aussi i dijot à ma mère : " Payons z’i un accordéon "
" Ça s’ra un as, j’en suis certain et i’gagn’ra grandmint d’argint ".
Ch’est pour cha qu’j’ai m’n’accordéon

Quand j’appuie su’l’bouton, qué j’saque sur min machin ; vous intindez sortir un son
Quand t’chest que j’peux l’faire aller, j’in suis contint.
Jé l’allonge, jé l’arplie : i’ondule, i rétréchit
Qu’j’étos heureux d’appuyer su’l’bouton et d’faire aller m’n’accordéon

Eune fos j’étos in route à juer, y’avot du monte pou m’acouter ;
Et l’tchiote Catherine, elle étot là
Ell’in foutot plein ses orelles, des yeux elle mingeot m’n’appareil ;
Elle voulot apprindre la clef d’fa
Au soir, j’suis parti l’armener, j’ai tout fait pour’y faire rintrer : elle étot plutôt pour l’piston
Bin j’i dis in fera un orchess’, si bin in jour t’aras l’grosse caisse
j’va t’apprindre sur m’n’accordéon

Quand j’appuie su’l’bouton, té saques sur min machin
Intinds-tu hé, qu’cha donne un son ? Si qu’t’intinds rien, arcomminch’ ch’ot qu’ch’est pas bin
Jé l’allonge, té m’l’arplies : i’ondule, i rétrécit
Qu’in’tot heureux d’appuyer su’l’bouton, et d’faire aller m’n’accordéon

Faut’eud’log’mint depuis min mariach’, mont d’eum’belle-mère, j’suis in ménach’ ;
In rest’in haut, les vieux in bas
Hier’in m’appelle, fallot m’lever, ch’tot l’heure d’m’in aller travailler,
Frottant mes yeux, j’dévalle in bas
Alle étot là, m’tournant l’derrière, et pan dans l’mille, sans plus d’manière ;
Su’l’coup j’l’avos point ar’connue
Ch’tot pas m’Catherine, ch’étot m’bell-mère, elle m’dit : " J’eun’suis point in colère "
" Pas’s’pou’l’coup chi, mais n’arcomminch’ pus "

Té t’as trompé d’bouton, ch’ti là i m’appartient
J’eun’suis pas un accordéon, mais non de non, ch’est que té jues rud’mint bien
Té l’allonges, té l’arplies : i’ondule, i fait des plis
Mais ch’t’un canard, si té trompe eud’bouton quand t’chest qu’té jues d’l’acccordéon

Sommaire d'Edmond Tanière


Accueil     Dictionnaire  Chansons   Livres   Disques   Photos   Liens