Ayant eu un gardin
Dins z'in faubourg e'd'Lille
mi, j'troufe m'namus'mint
D'cultiver in famile
L'sam'di après-midi
Comm'on fait s'maine inglaisse
Au lieu rester su' s'chaisse
Gai'mint, nous v'là partis
Tu,lu,lu,lu,lu,lu,lu,lu,lu,lu,lu,lu,lu
Pan-pan, pan-pan

Poussant m'petit' brouette
J'marche l'premier
Derrière, m'femm' Nénétte
Porte l'louchet
L'biau pèr' porte l'ratiau
M'biell' mèr' mes biaus sabots
Min cousin Zéphirin
Suit in saquant l'tonniau d'purin
Tsoin tsoin
Tra la la la la etc......

Avant j'étos coqu'leu
Passioné pou' l'manille
J'étos mêm' coulonneux
Et j'péquos à zanguilles
A ch't heure, ah! queu'cang'mint
Quand j'pins que chaqu' dimanche
Tout in r'troussant nos manches
On va tous au gardin
Tu,lu,lu,lu,lu,lu,lu,lu,lu,lu,lu,lu,lu
Pan-pan, pan-pan

Poussant m'petit' brouette
J'marche l'premier
Derrière, m'femm' Nénétte
Porte l'louchet
L'biau pèr' porte l'ratiau
M'biell' mèr' mes biaus sabots
Min cousin Zéphirin
Suit in saquant l'tonniau d'purin
Tsoin tsoin
Tra la la la la etc......

Quand par les soirs d'été
On r'vient du gardinache
On est toufis fiété
Avec notre équipache
Derrièr' note attiral
Les goss's nous suiv'nt dins l'rue
Criant : "ah! hue, ha! hue"
Ah ! ch'est original
Tu,lu,lu,lu,lu,lu,lu,lu,lu,lu,lu,lu,lu
Pan-pan, pan-pan

Poussant m'petit' brouette
J'marche l'premier
Derrière, m'femm' Nénétte
Porte l'louchet
L'biau pèr' porte l'ratiau
M'biell' mèr' mes biaus sabots
Min cousin Zéphirin
Suit in saquant l'tonniau d'purin
Tsoin tsoin
Tra la la la la etc...

On a tell'mint d'succès
Qu'laut' jour, passant grand'plache
V'là qu'j'attrape un procès
A cause d'tout ch'tapache
Un gros sous-brigadier
D'un air autoritaire
Nous dit : "chez l'commissaire
V'nez, on va s'espliquer"
Tu,lu,lu,lu,lu,lu,lu,lu,lu,lu,lu,lu,lu
Pan-pan, pan-pan

Poussant m'petit' brouette
J'marche l'premier
Derrière, m'femm' Nénétte
Porte l'louchet
L'biau pèr' porte l'ratiau
M'biell' mèr' mes biaus sabots
Min cousin Zéphirin
Suit in saquant l'tonniau d'purin
Tsoin tsoin
Tra la la la la etc...

Arrivé dins l'bureau
J'ai fait de l'rouspétance
J'les z'ai traités d'martiaux
Mais j'ai r'chu eun' biell' danse
Et, nom de nom, l'pus biau
Cha n'est point eun' carotte
V'là qu'on nous met les m'nottes
Et in rout' pou' l'hostau
Tu,lu,lu,lu,lu,lu,lu,lu,lu,lu,lu,lu,lu
Pan-pan, pan-pan

Poussant m'petit' brouette
J'marche l'premier
Derrière, m'femm' Nénétte
Porte l'louchet
L'biau pèr' porte l'ratiau
M'biell' mèr' mes biaus sabots
Min cousin Zéphirin
Suit in saquant l'tonniau d'purin
Tsoin tsoin
Tra la la la la etc...

Ouais, mais, deux jours z'après
Ayant su ch'lavinture
V'là qu'arrif' tout exprès
L'minist' d'agriculture
M'ouvrant l'port' de l'prison
Ch't homm', point pus fier qu'un aute
Epinglo su'm'capote
Eun' biell' décoration
Tu,lu,lu,lu,lu,lu,lu,lu,lu,lu,lu,lu,lu
Pan-pan, pan-pan

Poussant m'petit' brouette
J'marche l'premier
Derrière, m'femm' Nénette
Porte l'louchet
L'biau pèr' porte l'ratiau
M'biell' mèr mes biaus sabots
L'minist et Zéphirin
Suient in saquant l'tonniau d'purin
Tsoin tsoin
Tra la la la la etc......