Un jour qué j' m'in allos
A l' ducasse d'Auno
Acoutez quelle avinture
ej rinconte tout d'un cop
Eun' fill' qu'alle avot
Des brins d' judas plein s' figure
Sapristi que j' mé dis
Comme alle est bin mis
Qu'alle a ti des biaux habits
ln l' suivant j'arbusiaux
Qu'un jour m' père disot
Ché l' pleum' qu' all fait l' osiau

All' avot un biau casaquin
Garni d' velours tout alintour
Et des sorlets à blancs boutons
Avec un cotron rouch' molleton
ln l'arwétiant j' disos crénon
Qu' eune belle jonne fill'
Que biau profil
Et j' sintos m' caeur dins m' n'estomac
Qui f'sot Tic tac

Eh Mam'zell que j'li dis
v'nez vous avec mi ?
J' min vas tout drot à l' ducasse
A l' mon dé m' tante Lalie
Si n'y a poit d' rôti
Y ara toudis d' el fricasse
Pis à l' breum' nous irons
Tout in nous prom'nant
Faire un tour au grand salon
"Ej veux bin qu' all' mé dit
J' connos personne par chi
Et j'veux printe du plaisi"

La d'ssus mi j' sus dev'nu pus franc
J' l'imbrassos dsus s' bouque et dsus front
A s' laissot faire
Ch'tot bin m' n'affaire
Ej busios au soir nous rirons
J' fi frai minger des macarons
All' tir'ra pou des caramels
Sur eun' candelle

Aussitôt arrivés ej l'ai présentée
A l' mon de m' tante " Ch'est Catherine
L' fille dé m' parrain D'siré
Dé m' marrain' Zoé
Qu'alle étot servante à Lille
Ail' répond mes infants
In nous embrassant
Faites chi comm' à vo mason
El soup' all est est servie
Et sans cérémonie
Faites vir vo n' appétit

J' défais m' paltof nous s'attablons
In attaqu' d'abord el bouillon
N'y ot de l' viand' cuite
Plein eun' marmite
Ch'est vrai qu'y n'y avot point d' gambon
Mais y avot des truch's plein un Caudron
in peut avec cha et d' l'appétit
S' bourrer l' fusil

L' déner terminé
In s'in va s' promener
In route j'alleume un chiqare
ln va au tourniquet
Pis tout d' suite après
Nous d'allons à balanchoire
J' saquos tant qué j' pouvos
Vu qu' cha l'amusot
Ch' tot nous qui montot l' plus haut
V'la ti point tout d'un cop
Qué j' sins dins mes boyaux
Quéqu' d' coss qui s'armuot

L' tourniquet, les balanchoires
Si bin qué l' feumière dé m' chigare
Faisott'nt dé m' tiéte
Eun' girouette
Tell'mint qué j' faisos des efforts
J' sintos des douleurs dins min corps
Su m' caeur em' déner fsant dmi tour
Quet dins s' nécourt

AI déquint du cadeu
ln m' traitant d' biec beu
Mi j'y faisos mes excuses
Et j' li dis sacrebleu
N' m'arrachez point les yeux
Heureus'mint qui n' d'y a pas d' pusse
J' n'ai rien mingé, d' teup gras
J' cros qu' cha n' taqu'ra pas
V'nez chi j' vas vous torquer cha
Rintrons chi n'importe dus
Un coeup d' lavette là d'ssus
Et cha n' paraîtra pus

All' mé répond grand dégoutant
Rwette comme t'as arringé m' cotron
Eun' si belle rope
Jé n' sus pus bein prope
J' n' os'ros pus rintrer à m' mason
M' mère alle va m' tuer à coeups d' ramon
Et alle mé traite d' vagabond
Et alle fout l'camp...