Nous, in ne veut point prindre tous leurs bieaux banknotes
Pour êtes bénaches, in n’in veut pas autant
In va vous dire tout cha qu’in veut nous aut’
Très peu d’ouvrache et grindmint du bon temps

Et quind cha s’rot, l’époque d’eul’bonne année, In pourrot prindre ter-tous, un mois d’congés
Pour aller faire des baisses à nos mémés, dins tout’l’famile présenter nos souhaits
In arriv’rot vite aux vacances eud’Pâques, et cha dur’rot jusqu'à’l’foire commerciale
In arot’l’temps d’aller vire ches marins, et prindre eune pronne, cha nous f’ra pas trop mal

Nous, in ne veut point prindre tous leurs bieaux banknotes
Pour êtes bénaches, in n’in veut pas autant
In va vous dire tout cha qu’in veut nous aut’
Très peu d’ouvrache et grindmint du bon temps

Quind i fait caud, comme dins toutes ches fabriques, ch’est tout malsain, cha pue ch'est eune sait-quo
Bin mi ch’proposs’, qu’in ferme tous ches boutiques, et z’ouvrières irotent s’trimper dins l’ieau
Et is’viendraent pou l’foire au pain d’épice, in s’in r’mettrot alors à ouvrer dur
Mais timps à timps, in irot faire eune pige, aux sports d’hiver ou bin su’l’côte d’azur

Nous, in ne veut point prindre tous leurs bieaux banknotes
Pour êtes bénaches, in n’in veut pas autant
In va vous dire tout cha qu’in veut nous aut’
Très peu d’ouvrache et grindmint du bon temps

Acoute ti z’aute, si qu’y a du chômache, ch’est pa’ce que les salariés z’ouvrent eut’trop
Bin mi je te dis, faut supprimer l’ouvrache, voter eune loi à’l’chambre des zigotos
I veulent toudis, rajuster les salaires, freutent mieux donner des doupes, ches gros porchiots
Y’a’qu’comme cha, qu’eul’France alle s’ra prospère, ter-tous vivra comme des pichons dins l’ieau

Nous, in ne veut point prindre tous leurs bieaux banknotes
Pour êtes bénaches, in n’in veut pas autant
In va vous dire tout cha qu’in veut nous aut’
Très peu d’ouvrache et grindmint du bon temps