Ch’est un p’tit arrosoir, que j’voudros bin avoir
Cha f’rot bin mieux pousser min petit potager
Cha s'ra fête tous les soirs à petit arrosoir
Ch’est pour min p’tit gardin, et'j'cros sins nez m'f'ro bin du bien

Mi, les arrosoirs et les p’tits gardins, faudrot qu’j’aime
Mi faudrot pas m’prindre pour eune quincallerie que j’i dis
Et pis t’a cas v’nir dins min quatrième à Wazemmes
J’voulos li faire vire min bieau paradis, à Céline
Mes tableaux, mes boutelles et mes collections d’photos
Mais é’m’dit : " rin tout cha, mi te vos cha s’que j’aimeros "

Ch’est un p’tit arrosoir, que j’voudros bin avoir
Cha f’rot bin mieux pousser min petit potager
J’cache après tous les soirs un petit arrosoir
Ch’est pour min p’tit gardin, et'j'cros sins nez m'f'ro bin du bien

Mi, j’ravisot s’n’œul quand elle m’dijot cha, elle là bas
D’ù qu’elle arvétiot ch’étot bin m’gardin, gros quiquin
" Quo qu’ch’est te radoulles ", m’dit-elle tout duchemint, innochint
" Au lieu d’faire des zis comme un gros bêta, arranche cha "
" Pas d’chichi ", que j’li dis, elle a eu tout min fourbis
Sin gardin, i pousse bin, car eud’sus i pleut toudis

Ch’est min p’tit arrosoir, qu’elle voulot tint avoir
Cha fait bin mieux pousser, sin bieau p’tit potager
Elle s’in sert tous les soirs, eud’min p’tit arrosoir
Ch’est pour sin p’tit gardin, et ch’est pour cha qu’cha’li fait du bien