Ch'est toudis A Hue A Hue

Ch'est toudis A Hue A Hue
(Simon Colliez)

Tous les jours j'fais d'z'heures suplémentaires, et pis l'soir j'fais du traval au noir
J'fais des jours eud'treize à quatorze heures, mais seul'mint j'comminche à'n'avoir marre
Alle ose 'core à'm'dire qu'alle n'arrive pas, que ch'est difficile tous les fins d'mois
J'pourros 'core travailler jour et nuit, j'sus certain qu'alle dira 'core aussi

Édpuis l'temps que j'sus avec elle, les seuls mots qu'j'attinds à mes orelles
Ch'est toudis "A Hue A hue", "A Hue A hue", "A Hue A hue"
Les congés, dimanches et jours de fête, j'connos pas car pour payer ses dettes
Ch'est toudis "A Hue A hue", oui, mais seul'mint, mi j'in peux pus

Mes copains, is ont tous eune auto, mi j'vais 'core in pied ou in vélo
El'dimanche, j'les vos partir à'l'pêque, mi j'reste là, j'travale comme un bébête
Avec tous les sous que j'ai gagnés, j'sus certain j'auros pu m'acater
Eune maison, eune auto tout ce qu'i faut, avec elle seul'mint j'n'ai pas eu d'peau

Elle acate des bricoles su'ch'marché, des babioles qui n'serviront jamais
Él'maison, alle est rimplie d'bib'lots, si seul'mint ch'qu'alle acate ch'étot bieau
Alle dépinse à tort et à travers, ch'compte in banque toudis à découvert
Quand j'li dis qu'alle dépinse trop d'argint, alle réponds que j'sus jamais contint

Ch'est toudis "A Hue A hue"
Ch'est toudis "A Hue A hue"
Ch'est toudis "A Hue A hue", mais seul'mint, mi j'in peux pus

Sommaire de Simon Colliez

Accueil Dictionnaire Chansons Livres Disques Photos Liens