Cha s'ra toudis dimanche

(Simon Colliez)

L'semaine passée j'ai gagné au loto, j'ai eu les six bons numéros
Et pour bien faire, il a bien rapporté, j'calcule commint les dépinser
Pour commincher, j'm'acat'rai eune auto, un coupé sport tout ç'qu'y'a du plus bieau
Avec eum'femme, in ira tout partout, vu qu'à'ç't'heure in ara des sous

Cha s'ra toudis dimanche, s'rai toudis in repos
S'rai toudis in vacances, fini l'boulot
Cha s'ra toudis dimanche, s'rai toudis in repos
S'rai toudis in vacances, fini l'boulot

Éj'f'rai bâtir eune grande et bielle maison, y'aura cinq chambres, un grand salon
Et pour faire bien, y'aura deux salles de bain, in haut, in bas comme ches gins bien
In s'acat'ra tout ce qui est automatique, in aura eune boîte à musique
Et les couleurs, in aura tout l'confort, in's'priv'ra pas, in aurai tort

Cha s'ra toudis dimanche, s'rai toudis in repos
S'rai toudis in vacances, fini l'boulot
Cha s'ra toudis dimanche, s'rai toudis in repos
S'rai toudis in vacances, fini l'boulot

Pour y arriver, m'v'là parti in vélo, pour aller toucher min loto
Oui mais seul'mint au momint d'incaisser, v'là que ch'revel s'met à sonner
J'ai pas gagné au loto, j'n'ai pas eu les six bons numéros
Min rêve, i'est pourtant bieau, mais j'n'ai pas gagné au loto
J'irais toudis au boulot, avec eum'musette su min dos
Au fait j'y pinse, i faudrot m'dépécher, sinon j'vais arriver farcé

In est pas core dimanche, j'eun'suis pas in repos
J'sus loin d'ête in vacances, j'vais au boulot
In est pas core dimanche, j'eun'suis pas in repos
J'sus loin d'ête in vacances, j'vais au boulot

Sommaire de Simon Colliez


Accueil     Dictionnaire  Chansons   Livres   Disques   Photos   Liens