Et bla bla bla

Et bla, bla bla!
(Simon Colliez)

Y'a des femmes lu plaiji ch'est d'tricoter
Et y'in'a d'aute ch'est d'faire des mots croisés
J'in connos même qui font un peu d'gardin
Mais seul'mint cheulles là, y'in a pas grindmint

Et pis y'a chelles dont j'voudros vous parler
Lu cheul plaiji à elles, ch'est d'critiquer
À parler de tout quand elles savent rien
À dire du maux sur eul'dos du voisin

À parler de lux misères et d'lux malheurs
Cha leur arrivif' souvint d'oublier l'heure
Et quand lu bonhomme, i rinte à midi
Ch'dîner, i'est pas prêt, y'a rien d'cuit

Et bla, bla, bla! Et bla, bla, bla! Ch'est sur eul'dos de ch'ti chi, ou bien de ch'ti là
Et bla, bla, bla! Et bla, bla, bla! Y'a pas, y'a toudis eune p'tite, tite quosse qui va pas
Et bla, bla, bla! Et bla, bla,bla! Ch'est du méd'cin in passant par eul'pharmacien
Et bla, bla, bla! Et bla, bla, bla! L'instituteur, même le facteur, tout le monde i prind

Y'in a même eul'dimanche is vont à l' messe
Mais ch'est pas ch'curé qui les intêressent
Ch'est surtout pour savoir ç'qu'y'a d'nouvieau
Et pour vire ches gins ç'qu'is ont mis su'l'dos

"Mon Diu! Ch'ti là, j'l'avos pas arconnu! T'as vu cha comme il a pris un coup d'viux"
"Et chelle chi commint qu'elle est arnéquée, bin si j'étos euss'n'homme, séros génée"

"Ravisse un peu chelle-là, qui s'amène là, as-tu vu cha eul'bielle rope qu'elle a là
Ch'est à s'deminder commint qu'ch'est qu'elle fait, j'comprinds pas commint qu'elle peut y arriver
Ch'n'est pas avec euss'qu's'n'homme i ramène, qu'elle peut canger d'toilettes toutes les semaines
Faut vire à's'maison les allées et venues, cha m'étonnerot pas que s'n'homme i soit co...nnu

Sommaire de Simon Colliez

Accueil Dictionnaire Chansons Livres Disques Photos Liens