La course aux caddies
(Bertrand Cocq - Simon Colliez)

Pour la plus part des gins, dès la fin d'eul'semaine
Arcomminchant l'boulot, in a qu'eune chose in tête
Ch'est cha qu'in va bien faire, dès qu'arriv'ra l'week-end
Et bin pour mi mes gins, faut pas qu'j'eum'casse la tête

M'femme alle s'occupe eud'tout, et dès l'vendredi soir
Sitôt qu'je passe eul'porte in rintrant du boulot
Él'liste des commissions, alle m'intind su'ch'l'armoire
Cachez pas àprès m'femme, elle d'jà dins'ch'l'auto!

Quand j'arrive su'ch'parking, comme y'a pas grindmint d'plache
J'descend madame à'l'porte, et mi j'cache à'm'garer
Eul'jour des promotions i faut vire eul'dallache
Ch'est bien pus d'cinq cent mètes avant d'avoir trouver

Et j'cueurs in'd'sous d'eul'pleuf, quand j'arrif' j'suis noyé
Mais elle est si pressée qu'alle est d'jà partie
Et quand enfin j'la retreuve, je m'fais 'core ingueuler
Cha ré pour mi l'averse, j'ai oublié ch'caddie

L'journée d'traval à peine finie, qui ch'est qui r'fait l'course aux caddies?
Pour n'pas rater eune promotion, au pas d'course dins tous les rayons
Plus que ch'est bieau et moins que ch'est quer, qui ch'est qui n'rate pas eune affaire?
Oui mais à'l'caisse quand faut payer, qui ch'est qui sort sin porte-monnaie?
Ch'est toudis Loulou! Ch'est toudis Lili! Ch'est toudis Louis
Ch'est toudis Loulou! Ch'est toudis Lili! Ch'est toudis Louis

J'eum'd'mand'rai longtemps pourquoi qu'alle fait eune liste
Vu qu'les trois quarts du temps alle l'oublie à'l'maison
Faut l'vire dins'ch'magasin, mi derrière j'suis la piste
J'sus obligé d'courir pour pas l'perde dins ch'rayon

Faut que j'attrape eul'boîte qui est su'l'planque du haut
Ou bien qu'j'eum'plie in deux pour lire eune étiquette
Pour aller à ches loques, faut que cueur comme in sot
Vire chi les boutelles passerottent comme eune arbalète

L'journée d'traval à peine finie, qui ch'est qui r'fait l'course aux caddies?
Pour n'pas rater eune promotion, au pas d'course dins tous les rayons
Plus que ch'est bieau et moins que ch'est quer, qui ch'est qui n'rate pas eune affaire?
Oui mais à'l'caisse quand faut payer, qui ch'est qui sort sin porte-monnaie?
Ch'est toudis Loulou! Ch'est toudis Lili! Ch'est toudis Louis
Ch'est toudis Loulou! Ch'est toudis Lili! Ch'est toudis Louis

Sitôt qu'euch'magasin vind qué'quosse eud'nouvieau
Ch'est plus fort qu'elle, aussi vite elle va l'acater
Elle ravisse pas, elle jette, elle rimplit min cariot
D'apérots sans alcool et d'fromache allégé

Quand in passe à la caisse, alors là ch'est l'bouquet
J'fais un chèque, i'n'a pour la mitan d'eum'quinzaine
J'eun'vais pas assez vite pour rimplir les sachets
Alle dit "Che n'est pas grand quosse, in r'vient l'semaine prochaine"

L'journée d'traval à peine finie, qui ch'est qui r'fait l'course aux caddies?
Pour n'pas rater eune promotion, au pas d'course dins tous les rayons
Plus que ch'est bieau et moins que ch'est quer, qui ch'est qui n'rate pas eune affaire?
Oui mais à'l'caisse quand faut payer, qui ch'est qui sort sin porte-monnaie?
Ch'est toudis Loulou! Ch'est toudis Lili! Ch'est toudis Louis
Ch'est toudis Loulou! Ch'est toudis Lili! Ch'est toudis Louis

Ch'est toudis Loulou! Ch'est toudis Lili! Ch'est toudis Louis
Ch'est toudis Loulou! Ch'est toudis Lili! Ch'est toudis Louis

Sommaire de Simon Colliez

Accueil     Dictionnaire  Chansons   Livres   Disques   Photos   Liens